ஜப்பானில் சக்திவாய்ந்த நிலநடுக்கம்

 Japan: ஜப்பானில் இன்று (04) சக்திவாய்ந்த நிலநடுக்கம் ஏற்பட்டுள்ளது. 

 

ஜப்பானின் வடகிழக்கு கடற்கரையை ஒட்டிய ஃபுகுஷிமாவில் 6 ரிக்டர் அளவில் இந்த நிலநடுக்கம் பதிவாகியுள்ளது. 

பூமிக்கு அடியில் 32 கிலோமீட்டர் ஆழத்தில் நிலநடுக்கம் மையம் கொண்டிருந்ததாக ஐரோப்பிய - மத்தியதரைகடல் பகுதிகளுக்கான நில அதிர்வு ஆய்வு மையம் தெரிவித்துள்ளது. 

இருப்பினும், சுனாமி எச்சரிக்கை ஏதும் விடுக்கப்படவில்லை. 

இந்த நிலநடுக்கத்தால் ஏற்பட்ட சேத விவரங்கள் ஏதும் இதுவரை வெளியாகவில்லை.

முன்னதாக நேற்று தைவானில் ஏற்பட்ட சக்திவாய்ந்த நிலநடுக்கத்தில் 9 பேர் உயிரிழந்துள்ளதுடன் 900 பேர் வரையில் காயமடைந்துள்ளனர்.